Departamenti i Biologjisë në Universitetin e Prishtinës do të prezantojë nesër një hulumtim mbi zbulimin e një insekti të ri në Bjeshkët e Sharrit.
Insekti i ri quhet “Potamophylax humoinsapiens”, ka bërë të ditur Departamenti i Biologjisë në një njoftim për media.
“Ju ftojmë të merrni pjesë në prezantimin “Hulumtimi i insekteve në funksion të mbrojtjes së mjedisit: llojet e reja, endemizmi dhe biodiversiteti”, të profesorit në departamentin e Biologjisë në Fakultetin e Shkencave Matematike – Natyrore, prof. Halil Ibrahimi. Gjatë kësaj ligjërate, prof. Ibrahimi do të prezantoj edhe llojin e ri të insektit të zbuluar në Bjeshkët e Sharrit, të quajtur Potamophylax humoinsapiens. Prezantimi do të mbahet me datë 1 mars 2023, në ora 11:00, në sallën e Senatit, Rektorat”, thuhet në njoftim.