Kompanitë amerikane rifilluan gradualisht fluturimet pas ndalimit të tyre më herët nga Administrata Federale e Aviacionit (FAA) për shkak të problemeve kompjuterike. Defekti solli në ndalimin e të gjitha fluturimeve me nisje territorin e ShBA-ve.
Shkaku i problemit, mbetet i paqartë, por zyrtarët amerikanë thanë se deri më tani nuk kanë gjetur asnjë provë për një sulm kibernetik.
Mbi 4,300 fluturime u shtynë dhe 700 të tjera u anuluan.
Administrata Federale e Aviacionit (FAA) punoi deri në orën 2 të mëngjesit të së mërkurës për ta bërë sistemin sërish funksional.
Fluturimet rinisën pak para orës vendore 8:30 të mëngjesit nga aeroportet e Njuarkut në Nju Xhersi dhe nga aeroporti i Atlantas në shtetin e Xhorxhias.
Presidenti amerikan Joe Bidenurdhëroi Departamentin e Transportit të hetojë çështjen. I pyetur nëse bëhej fjalë për një sulm kibernetik zoti Biden u tha gazetarëve në Shtëpinë e Bardhë: “Nuk e dimë”.
Një nga kompanitë amerikane të fluturimeve “United” tha se ka rifilluar punën. Megjithatë, kompania paralajmëroi udhëtarët se mund të vazhdojnë të përballen me vonesa dhe anulime.
“Rrjeti i transportit të Amerikës ka nevojë urgjente për përmirësime të thella. U bëjmë thirrje zyrtarëve federalë të modernizojnë infrastrukturën tonë jetike të udhëtimit ajror”, tha Geoff Freeman, President dhe drejtor Ekzekutiv i Shoqatës së Udhëtimit të SHBA-së, një grup që përfaqëson linjat ajrore amerikane, hotelet, kompanitë e makinave me qira dhe parqet argëtuese.
Agjencia gjermane e fluturimeve “Lufthansa” dhe “Air France” thanë se po vazhdojë fluturimet drejt dhe nga Shtetet e Bashkuara, ndërsa linja ajrore franceze tha se po monitoron situatën.
Operatori i aeroporteve ndërkombëtare të Parisit, “Charles de Gaulle” dhe “Orly”, tha se pret vonesa në fluturime.
Klan News
The post Rifillojnë fluturimet në SHBA appeared first on Tv Klan.